প্ৰতি বছৰে ২৬ জুলাইত কিয় উদযাপন কৰা হয় কাৰ্গিল বিজয় দিৱস? ইয়াৰ আঁৰৰ ইতিহাস কি জানি লওক

কাৰ্গিল বিজয় দিৱস: দেশত প্ৰতি বছৰে ২৬ জুলাইত কাৰ্গিল বিজয় দিৱস পালন কৰা হয়। আজিৰ দিনটোতে কাৰ্গিলত ভাৰত-পাকিস্তানৰ মাজত প্ৰায় ৬০ দিন ধৰি চলি থকা যুদ্ধৰ অন্ত পৰিছিল।

কাৰ্গিল বিজয় দিৱস

ঠিক ২৩ বছৰ পূৰ্বে কাৰ্গিল যুদ্ধত ভাৰতীয় সেনাই পাকিস্তানী সেনাক এক উপযুক্ত উত্তৰ দিছিল। ১৯৯৯ চনত দুয়োখন দেশৰ মাজত হোৱা যুদ্ধৰ বিজয়ৰ স্মৃতিত প্ৰতি বছৰে ২৬ জুলাইত কাৰ্গিল বিজয় দিৱস উদযাপন কৰা হয়। পাকিস্তানী সেনাই অনুপ্ৰৱেশ কৰি দখল কৰা ঠাইবোৰত ভাৰতৰ বীৰ সৈন্যই পুনৰ সেই দুৰ্গম ঠাইবোৰত ত্ৰিৰংগা উত্তোলন কৰিছিল। ৬০ দিনতকৈও অধিক সময় ধৰি চলা এই যুদ্ধৰ নাম আছিল অপাৰেচন বিজয়।

Operation Vijay

৫২৭ জন ভাৰতীয় সৈন্যই বলিদান দিছিল

কাৰ্গিল যুদ্ধৰ সময়ত শ্বহীদ হৈছিল ৫২৭ জন ভাৰতীয় সৈন্য। ছিমলা চুক্তিৰ অধীনত দুয়োখন দেশে শীতকালত ফৰৱাৰ্ড পোষ্টৰ পৰা সৈন্য প্ৰত্যাহাৰ কৰে যদিও পাকিস্তানে এই চুক্তিৰ ভুল সুবিধা লৈ ভাৰতৰ ভূখণ্ড দখল কৰে। এই কথা গম পাই কৰি ভাৰতীয় সৈন্যই প্ৰতিশোধ লয়।

Also Read: ভাৰতৰ আটাইতকৈ দীঘল ৰেলপথ

উচ্চতাত লুকাই থকা প্ৰতাৰক পাকিস্তানী সেনা

দৰাচলতে শীতৰ আৰম্ভণিতে সৈন্যই ওখ শৃংগবোৰত নিজৰ চকী এৰি নিম্ন অঞ্চললৈ আহিছিল। পাকিস্তান আৰু ভাৰতীয় সেনা দুয়োটাই আগতে এই কাম কৰিছিল। শীতকালত যেতিয়া ভাৰতীয় সেনা শৃংগৰ পৰা নামি আহিছিল, তেতিয়া পাকিস্তানী সৈন্য আৰু সন্ত্ৰাসবাদীয়ে গোপনে অনুপ্ৰৱেশ কৰি প্ৰধান শৃংগবোৰ দখল কৰিছিল। পাকিস্তানী সৈন্য আৰু সন্ত্ৰাসবাদী এতিয়া এনে বিশিষ্ট ওখ শৃংগত থিতাপি লৈছিল। সেয়েহে তেওঁলোকৰ বাবে আক্ৰমণ কৰাটো সহজ আছিল আৰু আমাৰ বাবেও সমানেই কঠিন আছিল। ১৯৯৯ চনৰ ৩ মে’ত পাকিস্তানে এই যুদ্ধ আৰম্ভ কৰে যেতিয়া ই প্ৰায় ৫০০০ সৈন্যৰে দখল কৰিবলৈ আৰম্ভ কৰিছিল। অপাৰেচন বিজয় আৰম্ভ হৈছিল কেৱল বিশ্বাসঘাতকসকলক শিক্ষা দিয়াৰ বাবে।

কাৰ্গিল যুদ্ধৰ ২৩ বছৰ হ’ল৷ এইবাৰ আমি ‘বিজয় দিৱস’ৰ ২৩ সংখ্যক বৰ্ষপূৰ্তি উদযাপন কৰিছো। আজিও কাৰ্গিলত দেশৰ বাবে প্ৰাণ ত্যাগ কৰা বীৰ যোদ্ধাসকলৰ কিছু কথাই শিৰে শিৰে দেশপ্ৰেমৰ জুই জ্বলাইছে। সেই সাহসী যোদ্ধাসকলৰ সাহস আৰু ত্যাগক স্মৰণ কৰা উপলক্ষে পালন কৰা হৈছে কাৰ্গিল বিজয় দিৱস।