কেইজনমান পৃথিৱীৰ এনে উদ্ভাৱক - তেওঁলোকৰ নিজৰ উদ্ভাৱনেই তেওঁলোকৰ মৃত্যুৰ কাৰণ

প্ৰয়োজনীয়তা উদ্ভাৱনৰ জননী আৰু প্ৰয়োজনীয়তাৰ আৱিষ্কাৰেই মানুহক তথ্যসমৃদ্ধ কৰি তোলে। মানুহৰ স্বভাৱ কৌতুহলী, যিয়ে বিভিন্ন পৰিঘটনা বুজিবলৈ প্ৰেৰণাদায়ক হিচাপে কাম কৰে, কিন্তু ই এক ৰিস্কি কামো।

Image source: jagranjosh.com

এই লেখাটোৰ জৰিয়তে আমি আপোনালোকক ক’বলৈ ওলাইছো পৃথিৱীৰ এনে উদ্ভাৱকসকলৰ নাম যিসকল ইতিহাসৰ পৃষ্ঠাত অমৰ হৈ পৰিছিল, কিন্তু তেওঁলোকৰ নিজৰ উদ্ভাৱনেই তেওঁলোকৰ মৃত্যুৰ কাৰণ হৈ পৰিছিল।

কেইজনমান পৃথিৱীৰ এনে উদ্ভাৱক - তেওঁলোকৰ নিজৰ উদ্ভাৱনেই তেওঁলোকৰ মৃত্যুৰ কাৰণ

চিলভেষ্টাৰ এইচ ৰপাৰ (Sylvester H. Roper)

আমেৰিকাৰ উদ্ভাৱক চিলভেষ্টাৰ হাৱাৰ্ড ৰ’পাৰ আছিল আদিম অটোম’বাইল আৰু মটৰ চাইকেল প্ৰস্তুতকাৰী। ২০০২ চনত ৰপাৰ ষ্টীম ভেলোচিপেড আৱিষ্কাৰ কৰাৰ বাবে ৰ’পাৰক মটৰ চাইকেল হল অৱ ফেমত অন্তৰ্ভুক্ত কৰা হয়। আপুনি জানি আচৰিত হ’ব যে প্ৰাৰম্ভিক গতি পৰীক্ষাৰ সময়ত ৰ’পাৰ ষ্টিম ভেলোচিপেডৰ দুৰ্ঘটনাত মৃত্যু হৈছিল।

ফ্ৰান্জ ৰাইচেল্ট (Franz Reichelt)

ফ্ৰান্স ৰাইচেল্টক "ফ্লাইং টেলাৰ" বুলিও কোৱা হয়। তেওঁ কোট পেৰাচুট আৱিষ্কাৰ কৰিছিল, কিন্তু এই উদ্ভাৱন পৰীক্ষা কৰিবলৈ তেওঁ আইফেল টাৱাৰৰ পৰা জপিয়াই পেৰাচুট নোখোলাৰ বাবে টাৱাৰৰ ওচৰৰ বৰফেৰে ভৰা মাটিত খুন্দা মাৰি লগে লগে মৃত্যুমুখত পৰে।

কেৰল ছ’চেক (Karel Soucek)

শ্বক-এবছৰ্বেণ্ট বেৰেলৰ ডিজাইন কৰিছিল কেৰেল ছৌচেকে। এইটো পৰীক্ষা কৰিবলৈ নায়াগ্ৰা জলপ্ৰপাতৰ পৰা নায়াগ্ৰা নদীলৈ গুটিয়াই (লুটিয়াই) যোৱাৰ কৌশল সম্পন্ন কৰি থাকোঁতে তেওঁ বাচিছিল যদিও যেতিয়া তেওঁ ওলাই আহিছিল, তেতিয়া তেওঁৰ নাকৰ পৰা তেজ ওলাই আছিল। চিকিৎসা পৰীক্ষাৰ সময়ত দেখা গ’ল যে এই কৃতিত্বৰ সময়ত তেওঁৰ বুকু আৰু পেট বেয়াকৈ আঘাতপ্ৰাপ্ত হোৱাৰ লগতে মূৰৰ খুলিৰ হাড়ো ভাঙি গৈছে আৰু ইয়াৰ বাবেই চিকিৎসালয়তে নিজেই তেওঁৰ মৃত্যু হয়।

হৰেচ লছন হেনলি (Horace Lawson Hunley)

হৰেচ লছন হানলেই নিৰ্মাণ কৰিছিল বিশ্বৰ প্ৰথমখন কম্বেট চাবমেৰিন। দুবাৰকৈ ব্যৰ্থ প্ৰচেষ্টাৰ অন্তত তেওঁ এখন চাবমেৰিন প্ৰস্তুত কৰাত সফল হৈছিল যদিও পৰীক্ষাৰ সময়ত তেওঁৰ বিকশিত ছাবমেৰিনখন তেওঁৰ আঠজন ক্ৰুৰ সৈতে দুৰ্ঘটনাগ্ৰস্ত হৈ মৃত্যুমুখত পৰে। ১৮৬৩ চনৰ অক্টোবৰ/নৱেম্বৰ মাহত দক্ষিণ কেৰ’লিনাৰ চাৰ্লছটনৰ মেগনোলিয়া কবৰস্থানত তেওঁক সম্পূৰ্ণ সামৰিক সন্মানেৰে সমাধিস্থ কৰা হয় আৰু তেওঁৰ সন্মানত আমেৰিকাৰ সেই যুগৰ আটাইতকৈ বিখ্যাত চাবমেৰিন এইচ.এল. হানলিৰ নামেৰে নামকৰণ কৰা হৈছিল।

মেৰী কুৰী বা মেডাম কুৰী (Marie Sklodowska Curie)

মেৰী স্ক্লোড'স্কা কুৰী এগৰাকী পদাৰ্থবিজ্ঞানী আৰু ৰসায়নবিদ আৰু বিশ্বৰ প্ৰথমগৰাকী মহিলা যিয়ে নোবেল বঁটা লাভ কৰিছিল। তেওঁ তেজস্ক্ৰীয়তাৰ নীতি আৰু তেজস্ক্ৰীয় সমস্থানিক পৃথক কৰাৰ কৌশলৰ প্ৰস্তাৱ আগবঢ়াইছিল। তেওঁ এনে এক পদ্ধতি আৱিষ্কাৰ কৰিছিল যাৰ দ্বাৰা পল’নিয়াম আৰু ৰেডিয়াম নামৰ দুটা তেজস্ক্ৰীয় মৌল আৱিষ্কাৰ কৰিব পৰা যায়। গৱেষণা সামগ্ৰীৰ পৰা নিৰ্গত হোৱা বিকিৰণৰ দীৰ্ঘদিন ধৰি সংস্পৰ্শলৈ অহাৰ বাবে এপ্লাষ্টিক এনিমিয়াৰ ফলত তেওঁৰ মৃত্যু হয়।

হেনৰী স্মোলিনস্কি (Henry Smolinski)

হেনৰী স্মোলিনস্কিয়ে এভিই মিজাৰ নামৰ এখন হাইব্ৰিড গাড়ী-বিমান আৱিষ্কাৰ কৰিছিল যদিও পৰীক্ষামূলক উৰণৰ সময়ত বিমানখন দুৰ্ঘটনাগ্ৰস্ত হৈ মৃত্যুমুখত পৰে।

ছাবিন আৰ্নল্ড ভন ছ’চ’কি (Sabin Arnold von Sochocky)

তেওঁ ৰেডিয়াম ভিত্তিক ৰং আৱিষ্কাৰ কৰিছিল যদিও এই আৱিষ্কাৰৰ ফলত তেওঁৰ মৃত্যু হয় আৰু তেজস্ক্ৰীয় পদাৰ্থৰ সংস্পৰ্শলৈ অহাৰ ফলত তেওঁৰ মৃত্যু হয় এপ্লাষ্টিক এনিমিয়াত।

উপৰোক্ত তালিকাখনে পাঠকৰ সাধাৰণ জ্ঞান বৃদ্ধি কৰাত সহায়ক হ’ব কাৰণ ইয়াত আমি পৃথিৱীৰ এনে উদ্ভাৱকসকলৰ নাম সন্নিৱিষ্ট কৰিছো যিসকলৰ উদ্ভাৱনৰ বাবে মৃত্যুমুখত পৰিছে।

*All image source: www.wikipedia.org